Добродојдовте на официјалната страница на Општина Демир Хисар!
КУЛТУРА PDF Печати
Folklorni_sredbi-1

03.05.2016

ПРВИ ВЕЛИГДЕНСКИ ФОЛКЛОРНИ СРЕДБИ ВО ДЕМИР ХИСАР

Општината Демир Хисар и Домот на културата денеска беа домаќини на првата велигденска фолклорна средба што се одржа под покровителство на градоначалникот, Министерството за култура и Сојузот на фолклорни ансамбли на Македонија.

Folklorni_sredbi-2Замислена како своевидна фолклорна ревија на најдобрите аматерски ансамбли од градот домаќин, Демир Хисар и соседните градови Кичево, Охрид и Битола, на Средбите допатуваа и учествуваа двестетина млади пасионирани фолклористи.

Манифестацијата започна со свечено дефиле по улиците на Демир Хисар што го предводеше градоначалникот Љупчо Блажевски, а потоа овој настан заврши на градскиот плоштад каде што четирите оркестри на фолклорните ансамбли го предводеа големото народно оро.

Во вториот официјален дел што се одржа во концертната сала на Домот на културата, фолклористите од сите друштва се претставија со најдобриот избор на фолклорни кореографии.

-          Користам несекојдневна прилика да Ви посакам топло и срдечно добредојде во нашиот град, секое и секакво добро и среќа, а на останатите гости и посетители им посакувам уживање во убавините на народните игри и песни, во убавината на младоста.

Покажете што знаете и умеете! На тој начин најдобро ќе покажете колкав е вашиот придонес во зачувување на културата и традициите на овие простори – порача градоначалникот Љупчо Блажевски кој заради итни и неодложни протоколарни обврски, во последен момент мораше да го откаже присуството на вториот концертен дел на манифестацијата.

Демирхисарските велигденски фолклорни средби ќе прераснат во традиционална годишна манифестација, рече покрај другото во своето пригодно обраќање претседателот на Сојузот на фолклорните ансамбли, Антонио Димитровски кој вети дека манифестацијата секогаш ќе ја има силната поддршка и поткрепа од оваа фолклорна асоцијација.


Folklorni_sredbi-3
Folklorni_sredbi-4
 
ВЕЛИГДЕНСКИ ПРАЗНУВАЊА PDF Печати
Crveno_jajce-1

03.05.2016

СЕ ОДРЖА ВЕЛИГДЕНСКО МАТИНЕ ВО ПСИХИЈАТРИСКАТА БОЛНИЦА

Пациентите и вработените во Психијатриската болница во Демир Хисар, денеска го прославија Третиот ден од Велигден.

На традиционалното велигденско матине што традиционално се одржува под мотото „Црвено јајце, за љубов и надеж“, присуствуваа градоначалникот Љупчо Блажевски, како и претставници  на Црковниот одбор на храмот Свети Никола во Демир Хисар кои за сите присутни пациенти донираа по едно црвено јајце.

-                      Оваа манифестација, не само што стана традиционална, ами и се потврди како посебна по многу нешта, а најсилно по своите изворни и универзални пораки преку коишто се препознава нашата припадност кон Бога пред кого сите сме исти, како и нашата постојаност во стремежот за стекнување нови навики за вистинско меѓусебно почитување – рече во своето пригодно обраќање градоначалникот Блажевски кој, заедно со стручната директорка на Болницата д-р Павлина Илиевска Котевска и свештеникот Тони Crveno_jajce-2Смутковски, учествуваше во донирањето на велигденските подароци, а потоа се вклучи во општата велигденска веселба.

-                      Целта на оваа традиционална манифестација е да се помогне во ресоцијализацијата на нашите пациенти и нивната реинтеграција во општеството. Мислиме дека сме на добар пат да ја постигнеме оваа цел бидејќи за тоа ја имаме и поддршката од општината – рече покрај другото во своето пригодно обраќање д-р  Илиевска Котевска.


Crveno_jajce-3
 
ЧЕСТВУВАЊА PDF Печати

ДЕНОВИ НА СМИЛЕВСКИО КОНГРЕС 2016

Smilevski_kongres-plakat

Smilevski_kongres-pokana

 
ХРИСТОС ВОСКРЕСЕ - ВИСТИНА ВОСКРЕСЕ! PDF Печати
13123132_10154847585012942_1820345150044309922_o
 
УРБАНИЗАМ PDF Печати

Setaliste-126.04.206

СЕ РЕКОНСТРУИРА ШЕТАЛИШТЕТО ВО ДЕМИР ХИСАР

Преку Центарот за развој на Пелагонискиот Плански Регион, изминативе години Општина Демир Хисар реализира повеќе инфраструктурни и други зафати - од поставување на противпожарни хидранти, преку фасадно уредување во средното училиште со енергетска ефикасност и се до реконструкција на градскиот пазар. Сега, се врши реконструкција на Setaliste-2шеталиштето со современа урбана опрема и модернизација на централното подрачје . Носител на проектот е Центарот за развој на Пелагонискиот плански регион, а средствата во износ од 60.000 евра се  обезбедени од Агенцијата за финансиска поддршка на руралниот развој.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Страница 1 од 144

Пријави проблем

Анкета

Банер
Банер
Банер
Банер