|
ЗАШТИТА НА КУЛТУРНОТО НАСЛЕДСТВО |
 |
 |
28.06.2017
МАНАСТИРОТ И ОПШТИНАТА РЕКОНСТРУИРААТ ДЕЛ ОД СТАРИОТ КОНАК
Како продолжение на високото ниво на воспоставена соработка на Општина Демир Хисар со сестринството на манастирот Свети Јован Крстител којашто е особено нагласена последниве 4 години, деновиве започна реконструкцијата на покривот на дел од таканаречениот стар конак.
Манастирот и Општината препознаа долгорочен заеднички интерес да се реконструира целата покривна конструкција на староновиот конак од западната страна на манстирскиот двор како почетна фаза од претстојната целосна реконструкција на покривот, ентериерот и фасадата.
Последниве години манастирот стана една од најпривлечните Македонски духовни и туристички дестинации, а со востановувањето на Демирхисарското културно лето како најпрестижна регионална фестивалска приредба на науката, културата и уметноста, Манастирот целосно се отвори за пошироката јавност и стана еден од најпосетуваните манстири во Република Македонија каде што се одржуваат големи настани.
- Општина Демир Хисар е редок пример на локална самоуправа којашто спроведувајќи ги своите локални политики, препозна отворена можност за соработка во области што се од заеднички интерес - вели Отец Серафим.
Почетокот на реконструкцијата на покривот е почетна фаза којашто предвидува целосно заменување на дел од градежната дрвенарија, термичка изолација, нови ѓерамиди, како и внатрешно преиуредување на дел од просториите. Така, поранешниот прирачен магацин со спојувањер на уште една помала помошна просторија, ќе се преуреди во сала за одржување на камерни културни настани, презентации, промоции, ликовни изложби и слични научни, уметнички и културни манифестации.
 |
|
|
КОМУНАЛНО УРЕДУВАЊЕ |
|
|
28.06.2017
ОПШТИНАТА ГО ОБЈАВИ ТЕНДЕРОТ ЗА ТОАЛЕТИТЕ ВО ГРАТСКИОТ ПАЗАР
Од вчера, па најдоцна до 10ти идниот месец, заинтересираните градежни компании ќе можат да поднесуваат понуди за изградба на првиот јавен тоалет во Демир Хисар.
Паралелно со реконструкцијата на Гратскиот пазар во Демир Хисар за којашто постапката за избор на најповолен економски оператор ја води Пелагонискиот плански регион и е во завршна фаза, по повеќе од 30 години чекање, ќе започне и најавената изградба на јавните тоалети.
- Предвидовме и обезбедивме околу 10 илјади евра за да изградиме комплетен јавен санитарен јазол кај гратскиот пазар. Сите пари се од граѓаните, а како одговор на нивните повеќедецениски барања и потреби - вели градоначалникот на општина Демир Хисар Љупчо Блажевски.
Бирото за јавни набавки вчера го објави огласот за прибирање на понуди со краен рок до 10. јули кога треба да се одржи и јавното отворање на пристигнатите понуди. Од општинската комисија за јавни набавки најавуваат дека, најдоцна до 25. јули ќе биде избран и најповолниот понудувач кој што ќе понуди најниска цена како основен критериум при изборот. Ако се имаат предвид и пропишаните рокови за таканаречената прелиминарна постапка за избор на најповолен економски оператор за реконструкција на гратскиот пазар, логично може да се претпостви дека изградбата на дватат проекти, како што беше најавено, ќе се изведува паралелно.
Што ќе рече, со реконструкцијата и изградбата на јавните тоалети, гратскиот пазар во Демир Хисар, до почетокот на есента, дефинитивно ќе је добие својата вистинска употребна вредност.
|
|
ЗДРАВСТВО |
|
|
|
20.06.2017
ВАЖНО ИЗВЕСТУВАЊЕ ОД ЦЕНТАРОТ ЗА ЈАВНО ЗДРАВЈЕ
|
|
|
ПАТНА ИНФРАСТРУКТУРА |
|
|
27.06.2017
СЕ ПРОБИВААТ ПОСЛЕДНИТЕ 800 МЕТРИ
Најдоцна до крајот на овој месец целосно ќе биде пробиен новиот пат до манастирот Св. Петар кај Смилево. Денеска продолжи ископот на трасата од којашто останаа непробиени уште околу 800 метри.
Градоначалникот Љупчо Блажевски го посети градилиштето за лично да се увери за текот и квалитетот на градежните работи.
- Заедно со изведувачот правиме напори, пред годинашното чествување на Петровден да се постави еден слој тампон со цел полесно движење на сите видови моторни возила - вели градоначалникот Блажевски.
Темпото со коешто се изведуваат градежните работи наредниов период се очекува да биде позабрзано бидејќи трасата ќе биде целосно пробиена и ќе се пристапи кон изведување на други подготвителни активности.
При посетата на градилиштето, градоначалникот Блажевски го посети и манастирскиот комплекс и изврши увид на состојбата на конаците и манастирската црква.
|
|
СПОРТ И МЛАДИ |
|
|
13.06.2017
РЕКОНСТРУКЦИЈАТА НА СТАДИОНОТ Е ВО ЗАВРШНА ФАЗА
Поставувањето на рефлекторското осветление беше една од посложените и покрупни „операции“ во реконструкцијата на градскиот стадион во Демир Хисар. Благодарение на поволните временски прилики што овозможија пристап и поставување на големата дигалка, деновиве на четирите бетонирани анкери беа подигнати четирите столбови со по четири моќни рефлектори.
|
|
Повеќе...
|
|
|
|
|
<< Почеток < Пред 1 2 3 4 5 6 7 8 9 10 Следно > Крај >>
|
|
Страница 8 од 176 |
