Градоначалник PDF Печати

Toni

               ТОНИ АНГЕЛЕВСКИ

    Градоначалник на општината

     Демир Хисар

Роден во 1966 година во Битола.

Во 1985 година завршил средно геодетско училиште во ГУЦ "Здравко Цветковски" во Скопје.

Дипломирал на Градежниот Факултет - отсек Геодезија во Скопје.

Од 1990 -1992 бил соработник за премер во Одделението за премер и катастар во Битола.

Од 1992 - 2000  - бил соработник за премер во Одделението за премер и катастар во Демир Хисар.

Во 1996, како член на меѓународен тим, учествувал во проектот "EUREFMAK" за сателитски мерења (GPS).

Од 2000 - 2007 година бил раководител на Одделението за премер и катастар во Демир Хисар.

Пред изборот за градоначалник,професионално бил ангажиран во приватна агенција за недвижности, катастар и геодетски работи.

Посетувал и учествувал на повеќе семинари и обуки.

За градоначалник на општината Демир Хисар е избран на Локалните избори во 2009 год.

./.

ПОЧИТУВАНИ ПРИЈАТЕЛИ,
ЗАПОЧНЕТЕ ГО ПАТУВАЊЕТО КОЕ МИНУВА НИЗ ЕРА НА РАЗНОВРЕМЕНОСТИ КОН ОВАА МАЛА МАКЕДОНСКА ОГРАДЕНА ГРАДИНА, ВГНЕЗДЕНА ВО ИЗЛЕАНО ШУМСКО ЗЕЛЕНИЛО, НА КОЈА И Е ОСТАВЕНО ОГРОМНО  МАТЕРИЈАЛНО И ДУХОВНО НАСЛЕДСТВО, ЛЕГЕНДАРНИ НАСЕЛБИ И БОИШТА, КУЛТУРНО – ИСТОРИСКИ СПОМЕНИЦИ, АРХЕОЛОШКИ И ЕТНОГРАФСКИ ВРЕДНОСТИ, НО И ТРАДИЦИОНАЛНА ПРЕПОЗНАТЛИВОСТ  НА ЖИТЕЛИТЕ... НА ОНИЕ  ШТО ЈА СОЗДАВАЛЕ ИСТОРИЈАТА: БРСКАЧКИ ИНАЕТ,  БОРБЕНОСТ, ШЕГОБИЈНОСТ, НО И ОГРОМНА ГОСТОПРИМЛИВОСТ.

ДУШАТА НА ДЕМИР ХИСАР ПУЛСИРА СО ЖУБОРОТ НА БИСЕРНИТЕ ИЗВОРИ НА ЦРНА РЕКА И АВТЕНТИЧНАТА СТАРА АРХИТЕКТУРА НА С. ЖЕЛЕЗНЕЦ, СО ПРЕДИЗВИЦИТЕ НА НЕДОПРЕНАТА ПРИРОДА  НА ИЛИНСКА ПЛАНИНА, ИЛИНИЦА, ЕВРЕЈКА, СО СНЕЖНО – БЕЛИТЕ ПАДИНИ НА БИГЛА ПЛАНИНА, СО ТИШИНАТА НА БАБИНСКАТА ЗМЕЈОВА ПЕШТЕРА И НЕПРЕСУШНИТЕ СЕЛСКИ ИЗВОРИ И ВОДОТЕЦИ КОИ ЗА МОМЕНТ ВЕ ИСКЛУЧУВААТ ОД ВРЕВАТА НА 21-ОТ ВЕК, СО ВИРОВСКИТЕ ВАЛАВИЦИ, СО ВАРЏИИТЕ ОД БРЕЗОВО, СО ПЕСНОПОЈНАТА ХАРМОНИЈА НА ПТИЦИТЕ, СО ПЕСНИТЕ ЗА ЃУРЃА И СПАСА, СО ПЕСНИТЕ НА ПЕТРЕТА АНДРЕЕВСКИ...
 
ЗАБОРАВЕТЕ ГИ КЛИШЕАТА И ДОВЕРЕТЕ ИМ СЕ НА СОПСТВЕНИТЕ ОЧИ.

БИДЕТЕ НАШ ГОСТИН!
Со почит,
Тони Ангелевски, градоначалник

./.

Надлежности на градоначалникот

1. Ја претставува и застапува општината;
2. Ја контролира законитоста на прописите на советот;
3. Ги објавува прописите на советот во службеното гласило на
општината;
4. Го обезбедува извршувањето на одлуките на советот,
5. Го обезбедува извршувањето на работите коишто со закон и се
делегирани на општината;
6. Иницира и предлага донесување на прописи од надлежност на
советот;
7. Го предлага годишниот буџет и годишната сметка на буџетот на
општината;
8. Го извршува буџетот на општината;
9. Избира директори на јавните служби кои ги основала општината,
врз основа на јавен конкурс;
10. Редовно го известува советот за извршувањето на своите надлежности во согласност со статутот;
11. Решава во управни работи за права, обврски и интереси на
правни и физички лица, во согласност со закон;
12. Донесува правилник за систематизација на работните места на
општинската администрација;
13. Раководи со општинската администрација;
14. Одлучува за вработувањето, правата, должностите и
одговорностите на вработените во општинската администрација, доколку
поинаку не е определено со закон.
15. Обезбедува правилно и законито користење, одржување и
заштита на сопственоста на општината, во согласност со закон и статутот и
16. Врши други работи утврдени со закон и со статутот.


Градоначалникот може да овласти раководен службеник на
општината да ја води постапката и да решава во управни работи, како и да
потпишува акти.
 

Пријави проблем

Анкета

КАКО СЕ ИНФОРМИРАТЕ ЗА РАБОТАТА НА ОПШТИНАТА И ГРАДОНАЧАЛНИКОТ?
 
Банер
Банер
Банер